Continúa a primeira fase da vacinación do coronavirus na provincia de Ourense. Ao longo desta mañá vanicábase a unhas 740 persoas (464 residentes e 276 traballadores) nos concellos de O Barco, Vilamartín de Valdeorras, A Mezquita, Esgos, Nogueira de Ramuín, Allariz, O Pereiro de Aguiar e Ourense.
Así no caso de Valdeorras os dous equipos especiais de vacinación (dos 11 postos en marcha na Área Sanitaria de Ourense, Verín e O Barco), formados por persoal do Centro de Saúde do Barco, acudían á Residencia A Natividade de María de Vilamartín de Valdeorras e á Residencia de Persoas con Discapacidade de Asfaval, no Barco. Trátase do Equipo 10, formado por Gemma Rodríguez (Especialista en Enfermaría Familiar e Comunitaria) e Carla Correia; e do Equipo 11, integrado por Andrea Álvarez e Tania Álvarez.
Eran as encargadas de comprobar a idoneidade do envío, certificar de que se mantivera axeitadamente a cadea de frío e de preparar os viais de forma segura para administrar a vacina
