Arrancan as Festas de Verán de Quiroga

Comezan mañá, día 8 de agosto, e prolongaránse ata o domingo

Mañá xoves día 8 de agosto arrancan as Festas de Verán de Quiroga. Catro días de festa que inclúen actividades para todos os públicos.

 

Durante a pasada edición das festas. Foto: Carlos G. Hervella

 

A Festa da Cervexa (que estará amenizada por DJ Michel) e a actuación da orquestra “Panorama” inaugurarán as festas, ás 18:30 e 23:00 horas, respectivamente. O venres 9, a partir das 18:00 horas, terá lugar o V Torneo de Street Soccer e I Torneo de Street Volei no Parque da Constitución. Así, no mesmo lugar, a partir das 21:30 horas celebrarase a Festa da Comunidade, cunha paellada e actuación do “Dúo Camelia”.

O sábado día 10, inaugurarase a XXVIII Mostra do Mel, coa actuación do grupo de gaitas “O Recanto”, polas rúas da vila. Este ano participarán oito colleiteiros de distintos puntos do Concello de Quiroga: Isabel Marcos López de Ponte Rodela, Manuel Macía González de As Estradas, Ángel Gómez Martínez de Paradapiñol, Manuel Rodríguez Fernández de Centais, Pedro Soto Losada de o Ibedo, Manuel Macía Castiñeira de Quiroga, Rubén Figueroa López de Sequeiros e Iria Carballedo González de San Vitorio.

Así, dende as 12:00 horas ata as 15:00 horas, en horario de maña e dende as 20:00h ata as 22:00h en horario de tarde; terá lugar diante do Auditorio Municipal, o espectáculo infantil de maxia “Petit Caravane” a cargo de Animatiun.

Xa o domingo, ás 12:30 horas será a alborada, a cargo da Banda de Música de Chantada; mentres que ás 13:30 horas terá lugar un concerto desta mesma agrupación diante do Concello. Ás 19:00 horas, na Praza de España, terá lugar o Concurso Pinta Con Xiz no Chan para nenos e nenas e tamén a entrega de premios do Certame de Debuxo Infantil, organizado pola área de educación e infancia.

Así, ás 20:00 horas, celebrarase pola Rúa Real o espectáculo de animación  “O Folión Zampón”, a cargo de Fantoches Baj. As actuacións da orquestra Nazaret e do grupo Limón pecharán estas Festas de Verán.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies