O alcalde do Barco, Alfredo García e a directora do centro Amparo Quiroga, eran os encargados de inaugurar a XIII edición das Xornadas educativo-empresariais no IES Lauro Olmo do Barco que se estenderán ata o 27 de febreiro. Ao longo dunha semana pasarán polo instituto, representantes de empresas e colectivos que farán seminarios sobre os distintos departamentos cos que conta o centro. Unha visión dende a empresa “fundamental para a imaxe que proxecta cara o exterior” en palabras da directora.
A presentación tiña lugar na mañá do 23 de febreiro no salón de actos do centro, o mesmo espazo que ese mesmo día pola tarde acollerá a primeira das charlas do ciclo medio de Coidados Auxiliares de Enfermería, sobre “Coidados especiais físicos e psicolóxicos a persoas con problemas de Alzheimer”.
Tamén haberá charlas dos departamentos de Electricidade, Electromecánica, Servizos Socioculturais e á Comunidade, Administración e Finanzas, e Imaxe Persoal. Con respecto a este último celebraranse asemade obradoiros e incluso algunha saída.
Fotos: Carlos G. Hervella.
Máis información na vindeira edición en papel do Periódico O Sil.
