Está promovida dende o IES Francisco Asorey desta localidade pontevedra e inclúe obras de diversos creadores entre os que está o barquense Chere
Ata o vindeiro 2 de xullo poderá visitarse en Exposalnés a mostra “Artsorey”, unha colectiva de preto de quince creadores entre os que está o valdeorrés Gerardo Rodríguez “Chere”. A mostra, que se inclúe dentro dos actos conmemorativos do evento “Cambados. Cidade Europea do Viño 2017”, inaugurábase na tarde do 10 de xuño nun concurrido acto.
Chere participa na exposición con cinco obras: dúas pinturas, dúas esculturas e unha vídeo-instalación en 360 graos. Xunto ás súas pezas están a doutros autores como Manuel Paz, Guillermo Pedrosa, Francisco Pazos, Marcela Santorum, Lino Silva, Emérita Méndez, Jorge Agra, Carlos Maño, Uxío López, Eduardo Baamonde, María Casal, Elena Silvosa e Mon Costa.
Fotos: cedidas por Chere.