O domingo de Corpus as alfombras de flores decorarán as rúas de moitos pobos ao paso do Santísimo. O Barco de Valdeorras é un claro exemplo e na mañá do 3 de xuño o casco vello vestirase de cor para recibir á procesión que sairá ao mediodía dende a igrexa de Santa Rita.
Estes traballos corren a cargo dos veciños da zona antiga do Barco, que se afanan en escoller os deseños, facer os trazos sobre a rúa e, despois, proceder ´ elaboración das alfombras. Nas rúas do casco antigo xa poden verse carteis anunciando a data destes fermosos tapices florais.