ConcellosGalerías de fotosÚltima hora

As alfombras florais vestirán o casco vello do Barco

O domingo 7 de xuño celebrarase a procesión do Corpus a partires das 12h.

Como cada ano, o domingo de Corpus as alfombras de flores decorarán as rúas de moitos pobos ao paso do Santísimo. O Barco de Valdeorras é un claro exemplo e na mañá do 7 de xuño o casco vello vestirase de cor para recibir á procesión que sairá ás 12h. dende a igrexa de Santa Rita percorrendo boa parte do pobo cos nenos da Primeira Comunión á cabeza.

Coma sempre é a asociación de veciños Porto da Barca, a que se encarga de coordinar a elaboración dos mantos florais (reparto de material como sal, tinte, serrado e flores, así como a distribución por zonas e reparto de chocolate con churros para os traballadores), un dos actos máis representativos e destacados que se levan a cabo na zona vella da vila.

Os traballos comezarán xa hoxe pola tarde nos baixos dos edificios e continuarán mañá para deixalo todo preparado e na madrugada do domingo elaborar as alfombras para que luzan perfectas ao paso comitiva.

Fotos: Ángeles Rodríguez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close