ConcellosÚltima hora

As árbores que medran na beirarrúa lindante co campo de San Roque, na Rúa, crean polémica

O Concello convocaba un pleno extraordinario informativo solicitado pola oposición

 

Non é a primeira vez que as árbores e a súa corta provocan polémica na Rúa. Nesta ocasión o tema de debate son os plataneiros que crecen na beirarrúa lindante co campo de San Roque, que veñen de ser podados.

O lugar onde están ubicados, en medio dunha beirarrúa da travesía de acceso á vila, levou ao equipo de goberno popular a plantexar a posibilidade de cortalos, aludindo ao difícil acceso en cadeira de rodas, carriño de bebé ou mesmo a pé, sendo o percorrido máis curto para cruzar a estrada polo único paso de peóns existente. Unha posibilidade que foi consultada á Asociación Cultural Sabugueiro, da Rúa Vella, que á súa vez convocaba unha reunión veciñal.

A consulta, sen informar á corporación, non foi ben acollida pola oposición que a falta de comisión solicitaba un pleno. Unha sesión extraordinaria informativa que se celebraba na mañá do 22 de xaneiro. No decurso do pleno, tanto PSdeG-PSOE como BNG amosaron a súa disconformidade coas formas, asegurando que existen outras alternativas sen necesidade de cortar as devanditas árbores que constitúen un sinal de identidade do acceso á vila. “Buscamos información sobre a situación según se establece legalmente que é a través dunha comisión informativa que pedimos con urxencia antes da reunión prevista coa asociación, pero non se convocou nin se nos informou de nada. Se o alcalde quere consultalo cos veciños está no seu dereito pero os grupos que formamos a corporación tamén temos dereito a que se nos consulte”, dixo o voceiro socialista, Luis Fernández Gudiña. Unha exposición que era corroborada pola voceira nacionalista María G. Albert. “Hai que Informar á corporación municipal das cuestións municipais pero tal como están plantexadas as comisións non se fai, e se o Concello da Rúa quere saber a opinión da veciñanza sobre determinadas cuestións, neste caso a necesidade de cortar as árbores, terá que convocala pero parécenos feo que o faga a través dunha asociación cuxo labor non é ese e que crea conflito dentro da asociación coma se a iniciativa fose dela”.

 

As árbores da polémica.

 

O alcalde Álvaro Fernández pola súa banda asegurou que tiñan intención de convocar unha comisión cando se tivese o informe completo, coas posibles solucións, custe e demais xa que antes non había de que informar. “A nosa intención dende o principio é o cambio do paso de peóns para evitar que a xente cruce indevidamente e que molesten as árbores, o problema é que esa estrada non é nosa. Agora xa podemos avanzar que posiblemente se faga ese cambio e así non sería necesario cortar as árbores nin facer ningún tipo de investimento. A nosa intención non era crear polémica senón buscar a opinión da asociación que eles fixeron extensiva ao resto dos veciños. Non había ningunha decisión tomada non había nada que informar na comisión, porque xa lle comentara o tema a vostede particularmente”, dixo, dirixíndose ao voceiro socialista. Ademais o alcalde adiantou que tamén deberán estudar o estado das árbores “porque parece que non están en bo estado”.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close