As Cantareiras da Seitura de Lentellais (O Bolo) son homenaxeadas en Larouco

O acto tiña lugar durante o Concerto de Nadal que a Real Banda de Gaitas da Deputación de Ourense deu na igrexa parroquial

En 33 anos que leva realizándose, o Concerto de Nadal da Real Banda de Gaitas da Deputación pasou xa polos municipios do Carballiño, Ourense, Xunqueira de Ambía e Celanova, entre outros e nesta ocasión, o seu director Xosé Lois Foxo elixía Larouco. “Queriamos levalo ao mundo rural, en concreto, á Igrexa de Larouco que é a catedral de Valdeorras”, dixo. E o lugar non podía ser máis acertado xa que o acto estivo adicado a tres valdeorresas: as Cantareias da Seitura de Lentellais (O Bolo).

Antonia Fernández Prieto, Jacinta Prieto Alonso e Asunción Fernández Cueto, recibían a medalla de ouro da Real Banda de Gaitas “por manter a nosa cultura no rural”, en palabras de Foxo, nun multitudinario concerto que contou ademais coas actuacións da gaiteira iraní Liana Sharifian; do cantautor ourensán Emilio Rúa; e da Escola de Gaitas do Concello do Bolo.

 

Jacinta Prieto Alonso e Asunción Fernández Cueto nun momento da actuación.

 

O concerto estivo dividido en tres partes e baixo a batuta de Foxo, a Real Banda interpretou diferentes temas como Alborada en Buenos Aires, Antoloxía da Gaita ou Katiusha (popular rusa co acompañamento da violinista Tatiana e do seu fillo). Tamén actuaron o grupo de zanfonas da Escola Provincial de Gaitas, as Cantareiras da Real Banda  e as propias homenaxeadas. Cara a metade da segunda parte do concerto, Jacinta e Asunción (Antonia non pudo asistir) interpretaron dous cantos de reis antes de que o vicepresidente da Deputación Rosendo Fernández e o alcalde de O Bolo, Manuel Corzo, lles impuxeran as medallas. Tamén estaban presentes o alcalde de Larouco, Joaquín Bautista Prieto e o bispo de Ourense, Leonardo Lemos, ademais de representantes do bispado de Astorga, entre outros moitos.

As de Lentellais foron as cantareiras protagonistas este ano, pero os asistentes tamén puderon escoitar a dúas de Trives que interpretaron un divertido e animado canto de reis.

Máis información na vindeira edición en papel de O Sil.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies