ConcellosGalerías de fotosÚltima hora

As cen primaveras de Josefa Rodríguez de Celavente (O Bolo)

Celebraba o centenario xunto á súa familia cun xantar no restaurante Peyma da Rúa

Non todos os días se cumpren cen anos, nin todo o mundo pode presumir de chegar en tan bo estado físico e mental ao centenario. Por iso, a familia de Josefa Rodríguez Domínguez quixo reunirse e celebrar, cun xantar, tan significativo aniversario.

Natural de Celavente (O Bolo), Josefa estivo casada con Carlos Vázquez Marroquín, tamén de Celavente, e ten sete fillos (Néstor, Engracia, Carlos, Fernando, Raúl, Josefa e Esther), trece netos e once bisnetos, espallados por diferentes puntos de España: León, Ponferrada, Madrid, Barcelona e Vigo. E case todos, ademais de parentes máis lonxanos, asistían ao xantar celebrado no mediodía do 10 de febreiro (o seu aniversario foi o día 5) no restaurante Peyma da Rúa.

O alcalde e o médico de O Bolo, Manuel Corzo e Manuel Rionegro, tamén se quixeron unir á celebración, agasallando á centenaria cun ramo de flores e unha placa conmemorativa. A familia, pola súa banda, entregábanlle outra placa á emocionada e lúcida homenaxeada.

Fotos: Mónica G. Bellver.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close