As Covas de Seadur (Larouco) abriranse ao público o Sábado Santo

Poderán visitarse unha vintena destas adegas soterradas nunha celebración que mestura tradición, viño, gastronomía e festa na tarde do 20 de abril

Participantes nunha edición anterior das Covas de Seadur./ Foto: Carlos G. Hervella.

Tradición, viño, gastronomía e festa. Son os referentes das Covas de Seadur (Larouco), unha cita que chegará a súa 16ª edición o vindeiro 20 de abril, Sábado Santo. Esta celebración desenvólvese nun escenario moi especial: antigas adegas escavadas na rocha séculos atrás.

Un total de vinte covas abrirán as súas portas ao público nesta ocasión a partires das 18:30h. Para participar nesta ruta será necesario aportar un donativo de 12 euros no caso dos adultos e de 6 euros no dos nenos (7-12 anos). Os asistentes recibirán unha cunca de barro para degustar viño (branco, tinto, godello e mencía), auga e refrescos nas adegas, onde tamén se servirán suculentos pinchos (quentes e fríos), diferentes en cada unha delas. De seguro tampouco faltará algún que outro doce entre as propostas culinarias.

Ademais neste peregrinar festivo de cova en cova o ambiente estará animado pola música de Ouruxobruxo e polo ritmo da Charanga Nova Terras de Trives. Xusto antes do peche das covas (ás 22:30h.) a festa trasladarase á explanada, onde se instalará unha carpa e continuará a celebración ata a madrugada cun Dj. As Covas de Seadur serán organizadas pola Asociación da Ruta das Covas de Seadur coa colaboración co Concello de Larouco.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies