Con satisfacción pechaban as denominacións de orixe ourensás a súa participación en Alimentaria 2014, un certame de referencia a nivel español, que tiña lugar entre os días 31 de marzo e 3 de abril en Barcelona.
Para algunhas denominacións ourensás, como é o caso de Valdeorras, é unha cita que acostuma estar na súa axenda promocional e que nesta edición calificaba de “éxito”. Na súa zona expositiva estiveron ao redor de vinte marcas de viños valdeorresas. En cambio para outras, como a D.O. Monterrei, era a súa primeira participación con stand propio. Nel estiveron tamén presentes catro adegas. Monterrei valoraba a experiencia de maneira moi positiva.
Dende a D.O. Ribeiro considérase asemade que este evento “constitúe unha importante oportunidade de promoción e de expansión para as adegas do Ribeiro que, como en anteriores edicións, participan como expositoras no pavillón dedicado ao viño, INTERVIN”, din dende o consello. Desta volta asistiron oito adegas e promocionáronse 40 marcas de viños (brancos, tintos e tostados).
Asemade en Alimentaria estivo a D.O. Ribeira Sacra acudía cun expositor no que estiveron nove adegas.
Máis información na edición en papel do Periódico O Sil