As enfermidades da vide ou a xestión dos libros de campo, nunhas xornadas na Rúa

Serán organizadas do 25 ao 27 de abril pola Asociación Agraria de Galicia na cooperativa

Viñedo.

Dende o vindeiro xoves 25 ata o sábado 27 de abril, a Asociación Agraria de Galicia organizará unhas xornadas sobre viticultura na Rúa. Desenvolveranse na sala de reunións da Cooperativa Virxe das Viñas, a partir das 16:30 horas.

Durante esas tres tardes un grupo de expertos analizarán algún dos problemas que máis preocupan aos viticultores. “Entre outros temas, abordaranse as enfermedades máis perigosas para as vides, os tratamentos máis efectivos á hora de prever ou combatir as plagas, a utilización das novas tecnoloxías para o análise das variables atmosféricas, ou a xestión da documentación obrigatoria, como é o caso dos libros de campo”, segundo a organización.

O curso é gratuíto, grazas á financiación dos fondos FEADER, ata completar o aforo máximo. Tódolos interesados en acudir poden inscribirse na Cooperativa da Rúa ou no teléfono da Asociación Agraria de Galicia en Valdeorras: 696 943 254.

Esta iniciativa enmárcase dento das accións formativas promovidas polo Fondo Agrícola de Desenvolvemento Rural (FEADER).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies