No pasado ano 2014 un total de 112 persoas perdían a vida nas estradas galegas, segundo os datos provisionais dos que dispón la DGT neste momentos. Esta cifra, segundo destacaba o delegado do Goberno en Galicia, o ourensán Santiago Villanueva Álvarez, na presentación do “Balance de seguridade vial 2014” na mañá do 8 de xaneiro, constitúe un incremento respecto ao exercicio anterior; sen embargo, se se compara cos balances de sinistralidade vial na comunidade autónoma en anos anteriores, o número redúcese.
Neste senso, tense rexistrado un descenso dun 60,3% no número de vítimas de tráfico con respecto a hai 10 anos (282 vítimas en 2004), e reducíronse nun 40% nos últimos 5 anos (186 víctimas en 2009). Pese a estes descensos, Villanueva lembraba a importancia da concienciación de todos os usuarios das vías para tratar de eliminar a lacra que supón esta causa de mortalidade.
No caso da provincia de Ourense a tendencia tamén foi á baixa, así dos 46 falecidos na estrada no ano 2000 pasouse a 16 no 2014.
Na presentación destes datos o delegado estivo acompañado pola coordinadora da DGT en Galicia, Victoria Gómez, e polo xefe da Agrupación de Tráfico da Gardia Civil na comunidade, Francisco Javier Molano.