En portadaÚltima hora

As Macizas Centrais amenizarán este venres a Cea do Cocido de Piñeiro (A Pobra de Trives)

A xuntanza gastronómica enmárcase nas festas na honra a San Sebastián que se celebran na fin de semana

As Macizas Centrais tocando na Festa do Botelo. /Foto: Ángeles Rodríguez.

 

O son e a alegría das Macizas Centrais de Trives quedará este venres moi cerquiña de casa. Despois de participar na V Foliada e Cantos de Taberna da Festa do Botelo do Barco, amenizando ademais o xantar, a grupación trivesa será a encargada de poñer ritmo e música á Cea do Cocido de Piñeiro que se celebrará este venres 24 de xaneiro a partir das nove da noite.

Esa será a hora á que abran as portas da carpa, con potente calefacción e capacidade para 400 persoas, na que cada ano se xuntan veciños da contorna e de municipios da bisbarra como O Barco de Valdeorras ou A Rúa para degustar un menú elaborado no propio recinto con produtos da terra: patacas, grelos e todo tipo de carne de porco, dende chourizo e androlla ata morro, pasando pola orella e o lacón. Para beber, viño da zona e licores. No decurso da cea non faltará o tradicional sorteo de produtos da zona e de 500 euros, nin a verbena a partir das 00:30h. a cargo da orquestra Marbella.

 

Asistentes á anterior edición da Cea do Cocido de Piñeiro./ Foto: Carlos G. Hervella.

 

A cea será o preámbulo da fin de semana de festas en Piñeiro na honra a San Sebastián con procesión e misa ás 13:30h. tanto o sábado 25 como o domingo 26 de xaneiro; sesión vermú a cargo da charanga Nova Terras de Trives (sábado) e Coraliña Cantora (domingo); e baile o sábado pola noite coa orquestra La Fórmula.

Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close