OurenseÚltima hora

As melloras da estrada de Seixalbo xa están licitadas por 800.000 euros

As empresas interesadas teñen até o 7 de marzo para presentar as súas propostas
As melloras contemplan un total de 1,5 quilómetros.

A Xunta de Galicia publica hoxe no Diario Oficial de Galicia (DOG) a licitación das obras de mellora integral da estrada OU-105, en Seixalbo, que contará cun investimento de case 800.000 euros.

As empresas interesadas en presentar ofertas para levar a cabo esta actuación teñen de prazo ata o vindeiro 7 de marzo para presentar as súas propostas, informan dende a Consellería de Infraestruturas e Vivenda.

O alcalde de Ourense, Jesús Vázquez, asegurou que con este proxecto “acadamos o que outros gobernos municipais non foron capaces nin de pedir”. Neste senso recalcou que a administración que el dirixe “atendemos ás peticións formuladas polos veciños e llas trasladamos á Consellería de Infraestruturas, para que sexa a administración competente que asuma as obras”.

Esta mellora “busca optimizar a circulación dos peóns, ciclistas e tráfico rodado e incrementar a seguridade viaria dos veciños”, apuntan dende a Consellería. Así, acometerase unha actuación nun treito de 1,5 quilómetros, entre a zona do tanatorio e onde finalizan as vivendas, baseada na mellora da mobilidade peonil e na reordenación do tráfico.

En concreto o proxecto contempla unha actuación no cruce de acceso a Seixalbo, habilitando dous carrís centrais de agarda e dotarase a zona de aparcadoiros. As paradas de autobús existentes adecuaranse e recolocaranse despois dos pasos de peóns, para a maior seguridade dos mesmos. Tamén van dispor pasos de peóns, con semáforos con pulsador e con iluminación específica. E, finalmente, habilitarán un carril para bicicletas e mellorarán as beirarrúas.

Esta obra súmase á mellora da Avenida de Otero Pedrayo, entrada á cidade pola estrada de Trives (OU-536), na que a Xunta investirá 2 millóns de euros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close