DeportesÚltima hora

As novidades da tempada galega de atletismo 2019/2020, analizadas no Barco

Representantes da FGA celebraban o 6 de novembro un "foro de debate" con atletas, clubs, concelleiros e adestradores valdeorreses

As novidades na Liga Abanca de inverno de categorías menores, iniciada en outubro; a normativa e as cotas de licenzas da campaña do 2020 eran algúns dos temas que se poñían sobre a mesa no decurso do “foro debate” que a Federación Galega de Atletismo (FGA) celebraba na tarde do 6 de novembro no polideportivo barquense de Calabagueiros.

Na reunión contábase con Isidoro Hornillos, presidente da FGA; Carlos Castro, secretario xeral de director técnico da FGA; de Manuel Rodríguez, delegado da FGA no Barco; ademais de con representantes de clubs (Adas, Atletismo Rúa e Peña Trevinca), dos concelleiros de Deportes do Barco e da Rúa, de adestradores, etc.

Dende a FGA expoñíase que a intensa actividade deportiva e de competicións (con máis de 50 campionatos galegos) que desenvolve esta entidade “implica uns custes elevados, dos cales a Xunta aporta un terzo do total. Esta situación levou a que se tomase un paso moi pensado e reflexionado como foi o de cobrar un mínimo aos atletas da liga Abanca en cada xornada, esta foi unha decisión dura, pero a día de hoxe as competicións refrendaron un éxito participativo, a xente responde”, explicaba Carlos Castro.

Aínda así o presidente da federación matizaba que “ningún neno galego cuxa familia estea nunha situación económica precaria vai ter que renunciar a facer atletismo, introducimos tamén medidas para que poidan facer este deporte”. Explicaba ademais que a práctica dun deporte con adestradores formados, probas e xuíces acreditados vale diñeiro. “Quizais temos dado a imaxe de que isto é gratis, pero iso non é certo. As cousas teñen que poñerse en valor e máis no caso dun deporte milenario como é o atletismo e motrizmente moi rico”, engadía.

Neste coloquio os responsables de clubs e tamén adestradores e atletas plantexaban diversas cuestións relativas aos seguros e tamén no relativo á necesidade de xuíces, ao seu número e aos seus desprazamentos, entre outros temas. Este foro de debate estase a realizar en diferentes puntos de Galicia.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close