PolíticaÚltima hora

As primarias socialistas en Ourense, en marcha

O 18 de outubro designábase o Comité de Garantías Electorais e o Comité de Listas Provincial como organismos encargados de velar polo proceso
Reunión extraordinaria do comité provincial do PSdeG-PSOE en Ourense.
Reunión extraordinaria do comité provincial do PSdeG-PSOE en Ourense.

A maquinaria das primarias do PSdeG-PSOE en Ourense xa está en marcha. O Comité Provincial do partidos socialista mantiña o 18 de outubro unha reunión extraordinaria para designar ao Comité de Garantías Electorais e ao Comité de Listas Provincial como organismos encargados de velar polo proceso de eleccións primarias para elexir ao candidato socialista á alcaldía da cidade das Burgas.

Este é o primeiro paso no camiño das primarias en Ourense, que se completará o 30 de novembro coa votación da militancia, na que se decirá quen vai encabezar a lista socialista nas municipais. “A partir do 3 de novembro e ata o 17, os aspirantes terán que recoller os avais para poder concurrir á votación do día 30 como precandidatos. Para isto, se precisa conseguir o 20% do censo de militantes da agrupación local de Ourense, que conta cun total de 531 afiliados/as”, segundo se informa dende o partido socialista.

Polo de agora fixeron pública a súa intención de concurrir ás primarias socialistas en Ourense tres persoas: José Ángel Vázquez Barquero, Pachi Vázquez e Javier Rey.

Nesta mesma reunión extraordinaria do Comité Provincial, o secretario provincial, Raúl Fernández, fixo un chamamento á participación da militancia de Ourense neste proceso que supón un cambio significativo no xeito de designar ao seu candidato á alcaldía da capital.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close