Publicidade
SanidadeÚltima hora

As residencias sociosanitarias de Ourense, sen positivos ao Covid-19

A Consellería de Sanidade vén de facer públicos os resultados da totalidade de PCRs realizadas no segundo varrido preventivo a estes centros

 

“Cos resultados da totalidade de PCRs realizadas no segundo varrido preventivo, que concluíu os pasados días, ningunha das 103 residencias sociosanitarias e 32 vivendas comunitarias de Ourense teñen casos de Covid-19, o que garante a seguridade dos seus mais de cinco mil usuarios e usuarias”, segundo asegura a Consellería de Sanidade.

O segundo varrido preventivo de todas elas, iniciouse a finais de xuño por parte do persoal da Área Sanitaria do Sergas en Ourense, Verín e O Barco de Valdeorras que se desprazaron para realizar 8.354 probas (PCR) a todos os seus usuarios, 5.427; e traballadores, 2.927, todas elas negativas. Esta iniciativa tamén detectou varios casos, xa curados e con anticorpos, que con toda seguridade cursaron sen síntomas, velaí a importancia de seguir extremando as precaucións e as medidas de protección.

Para garantir a seguridade desta poboación de alto risco, todos estes centros deben seguir as directrices do Plan de Reactivación, establecido pola Consellería de Sanidade para retomar a normalidade, sempre e cando a situación epidemiolóxica do propio centro ou do concello onde se enmarca non varíe.

Dito Plan de Reactivación no ámbito sociosanitario, define as liñas de vixilancia, prevención e control para garantir a seguridade, dacordo a uns criterios epidemiolóxicos xerais, como a incidencia acumulada nos tres días previos na poboación xeral; asistenciais, con avaliación continua do estado do sistema sanitario e sociosanitario, nos que se valora a capacidade de intervención e xestión dos propios centros ante a aparición dun caso.

Neste momento, dacordo cos criterios epidemiolóxicos e asistenciais que se validan desde os equipos sanitarios do Sergas en Ourense, todos os centros, salvo aqueles nos que mudou a situación epidemiolóxica da poboación xeral dos seus concellos, poden estar en fase 2, sempre pendentes de calquera cambio na situación epidemiolóxica do concello onde están situados, que daría paso a situación de alerta e restrición de entradas de visitantes e saídas de residentes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close