Os reitores das tres universidades galegas asinaban na mañá do 10 de setembro un acordo co vicepresidente da Xunta, Alfonso Rueda, para impartir cursos destinados ao persoal de Administración e servizos.
Coa sinatura deste documento, as universidades poderán ofrecer aos seus traballadores unha “formación homoxénea e de calidade, aproveitando a experiencia e os materiais dos que xa dispón a Escola Galega de Administración Pública (EGAP), e resaltou a importancia que ten a formación para todos os traballadores, tanto para ampliar coñecementos como para lograr maior eficacia na labor profesional”, segundo apuntaba Rueda neste acto, celebrado no salón de actos da EGAP.