Ao longo de dez días os ritmos, a música e a vistosidade das danzas de diferentes países están a percorrer a provincia de Ourense da man das XXXII Xornadas de Folclore, promovidas pola Deputación de Ourense. Tras pasar por once localidades ourensás (entre as que figuran Manzaneda, Viana do Bolo ou A Rúa), este espectáculo chegará á Pobra de Trives na noite do 16 de agosto. Poderá verse no patio do Colexio Santa Leonor a partires das dez e media da noite.
Neste escenario desfrutarsae das actuacións de formacións de Brasil, Taiwán e Rusia. Os representantes de Brasil son os membros do Grupo Folclórico Aruanda (Belo Horizonte, M.G.), que visitan por vez primeira a provincia. Ademais en Trives poderá desfrutarse coa vistosidade das danzas da Taiwan Youth Dance Company de Taichung, así como do espectáculo do Exemplary Choreographic Ensemble Druzhba da zona rusa de Arkhangelsk.