Terá lugar ás 22:30 horas, con actuacións de grupos de distintos países do mundo
As XXXVI Xornadas de Folclore chegan ao Barco o vindeiro mércores 7 de agosto. Esta actividade terá lugar no Campo de Festa ás 22:30 horas, con grupos procedentes de Bolivia, México, e Serbia.
Así, esta actuación enmárcase dentro dun roteiro, que terá lugar do 5 ao 14 de agosto, pola provincia de Ourense, no que están os concellos de A Rúa, Allariz, Bande, Carballiño, Castro Caldelas, Celanova, Entrimo, Maceda, Verín, Viana do Bolo, Xinzo de Limia, Manzaneda, Ribadavia, e Ourense cidade.