Seguen incrementándose os casos activos de Covid-19 na Área Sanitaria de Ourense, Verín e O Barco. Segundo a última actualización de datos feita pública pola Consellería de Sanidade, son xa 179 os casos activos na provincia.
Dese total, hai 5 pacientes ingresados pacientes en planta e 1 paciente en UCI no Hospital Universitario de Ourense, mentres que os 173 restante están a seguemento a domicilio. Polo de agora, os hospitais de Valdeorras e de Verín non rexistran ningún paciente ingresado por coronavirus.
O total de casos rexistrados na provincia ascende a 2.226, con 1.913 curados e 134 falecementos. Ata agora realizáronse na provincia 39.855 probas PCR.
Casos activos en Galicia
A Dirección Xeral de Saúde Pública da Consellería de Sanidade informa de que o número de casos activos de coronavirus en Galicia, tras a última actualización, é de 1.995, deles 1.114 son da área da Coruña, 254 da de Lugo, os 179 xa citados da de Ourense, 85 da de Pontevedra, 144 da área de Vigo, 130 da de Santiago, e 89 da de Ferrol.
Do total de pacientes positivos, 6 están en UCI, 67 en unidades de hospitalización e 1.922 no domicilio. Polo de agora, en Galicia hai un total de 11.737 persoas curadas, rexistrándose 628 falecementos. Os últimos falecementos corresponden a dous varóns da área sanitaria de Lugo, de 93 e 77 anos, e que tiñan patoloxías previas. O número de PCR realizadas é de 294.691.
A situación nas residencias galegas
As residencias galegas teñen, segundo os últimos datos de Sanidade, un total de 68 casos activos entre os seus usuarios e 16 en traballadores. Así no caso dos residentes a distribución por centros é a seguinte: 11 na Residencia Orpea Coruña (Culleredo) e
57 Residencia O Incio (O Incio).
No caso dos traballadores dos centros de maiores hai 4 casos positivos na Residencia Orpea Coruña (Culleredo), 1 na Residencia DomusVi Monforte (Monforte de Lemos), 8 na Residencia O Incio (O Incio), 1 na Residencia de Maiores de Paradela, 1 na Residencia de Maiores San Bartolomeu (Xove) e 1 na Residencia DomusVi Barra de Miño (Coles).
