Medran os casos activos de coronavirus na provincia de Ourense. Neste luns 7 de setembro rexístranse 459 na Area Sanitaria Ourense, Verín e O Barco de Valdeorras, dos cales 36 están ingresados (deles 5 na Unidade de Coidados Intensivos) e 423 a seguemento a domicilio, segundo informa o Sergas.
O Hospital Universitario de Ourense ten 30 en planta e 5 na UCI, mentres que o Hospital de Verín ten un ingreso en planta. Pola súa banda, o Hospital de Valdeorras segue libre de virus.
O total de casos rexistrados na provincia ascenden a 2.667, con 2.073 curados e 135 falecementos. Ademais lévanse realizado 46.704 probas PCR, 449 delas nas últimas 24 horas.
