Terá lugar a partires das oito da tarde no edificio multiusos do Barco
A Plataforma Sanitaria de Valdeorras manterá este luns día 11 de setembro a súa segunda asemblea en apenas dous meses. Na primeira delas, o 16 de agosto esta entidade reactívase tras facerse público o anteproxecto de reforma da Lei de Saúde de Galicia que inclúe a desaparición da área sanitaria de Valdeorras.
Agora, e tras realizar varias mobilizacións en diferentes puntos do oriente ourensán, a plataforma convoca unha nova asemblea aberta a partires das oito da tarde, tamén no edificio multiusos do Barco.