EconomíaEconomíaGalerías de fotosOurenseÚltima hora

Asemblea xeral da CEO

Na súa intervención o presidente desta asociación empresarial aludía ás infraestruturas pendentes na provincia

Na súa segunda asemblea xeral como presidente da Confederación Empresarial de Ourense (CEO), José Manuel Pérez Canal, amosábase lixeiramente optimista, “pero sen triunfalismos”, sobre a coxuntura económica xeral e tamén da provincia de Ourense. No seu discurso neste acto, que tiña lugar na tarde do 10 de xullo en Ourense, subliñaba o papel das exportacións á hora de soportar os efectos da crise na economía ourensá e apostaba polo apoio decidido á formación e ao emprego dende distintos frontes para mellorar a competitividade e a produtividade. Como principais instrumentos citaba a innovación e o emprendemento, aos que a CEO “deu gran importancia” ao longo do último exercicio. Ademais anunciaba o máximo esforzo “para mellorar o mercado de traballo”.

A necesidade de mellorar as infraestruturas da provincia foi outra das cuestións que plantexou na súa intervención. En concreto reclamaba a finalización do AVE sen máis dilacións que as xa asumidas, así como a realización da A-76 e a A-56, vías que considera “accesos vitais para a provincia”. Outros dos aspectos que resaltaba era a importancia da cooperación transfronteiriza e da internacionalización da actividade, así como á colaboración coa Universidade.

Nesta asemblea contouse coa presenza do presidente da Confederación de Empresarios de Galicia (CEG), José Manuel Fernández Alvariño e do presidente da Asociación Multisectorial de Novas Tecnoloxías e da Información e o acto de clausura corría a cargo da conselleira de Traballo e Benestar, Beatriz Mato, quen sinalou que un dos eixos principais do seu departamento é “apoiar o traballo que desenvolven os emprendedores” e, por iso, destacou que este ano se están a destinar 7,9 millóns de euros para incentivar a contratación indefinida de 2.400 persoas desempregadas en empresas galegas. Explicou asemade que esta liña de axudas ten como principal novidade neste exercicio dous programas para mozos e mozas, que están incluídos no Plan de Emprego Xuvenil: un para incentivar a contratación de formación e aprendizaxe para menores de 30 anos que carezan de cualificación profesional, e outro para a contratación temporal de menores de 30 anos.

Fotos: Carlos G. Hervella

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close