OurenseÚltima hora

Asínase o convenio para a execución do proxecto “Raia Termal” en Lobios cun investimento de 300 mil euros

O presidente da CHMS e a alcaldesa de Lobios acordan un proxecto europeo de cooperación transfronteiriza que aposta pola mellora do medio ambiente e dos recursos termais que ofrece a zona

José Antonio Quiroga,  presidente da Confederación Hidrográfica do Miño-Sil (CHMS) e a alcaldesa de Lobios, María del Carmen Yáñez, asinaron o 2 de xullo o convenio que posibilitará a execución do proxecto “Raia Termal”, que cun investimento previsto de máis de 300 mil euros promete incluír a construción dun azud desmontable e unha pasarela no río Caldo, ademais de actuacións no sistema de depuración para evitar verteduras no río.

 

O presidente da Confederación José Antonio Quiroga xunto coa alcaldera de Lobios, María del Carmen Yáñez.

O obxectivo principal de “Raia Termal” inspírase nos principios xerais que rexen os proxectos de cooperación transfronteiriza: a proteción e conservación de espazos rurais fluviales fronteirizos dos ríos Miño e Limia, a aposta polo medio ambiente e dos recursos termais que ofrece a zona, e unha mellora da calidade ambiental da auga.

Este convenio de colaboración ten como obxecto a construción dun azud desmontable duns 20 metros de lonxitude e unha pasarela peatonal para conectar as dúas veiras do río. Tamén incluirá unha ciclovía dende a área recreativa termal ó Roteiro de A Devesa, ademais de executarse actuacións no sistema de saneamento e depuración que servirán para evitar verteduras no río Caldo.

No momento da sinatura do Convenio.

O investimento necesario para levar a cabo o proxecto estímase que supere os 300 mil euros, que serán financiados nun 75% a través de fondos europeos POCTEP (o proxecto europeo de cooperación transfronteiriza), e o 25% restante con fondos do propio Organismo CHMS (Confederación Hidrográfica do Miño-Sil).

O acordo contempla que a Confederación Hidrográfica do Miño-Sil licitará, adxudicará e xestionará os contratos de obras, servizos e todo o necesario para a súa execución ata a finalización definitiva do proxecto. O Concello de Lobios, pola súa parte, encargarase das xestións administrativas precisas para a obtebción dos terreos, bens e dereitos necesarios, as súas modificacións e posibles obras complementarias.

O fin deste proxecto é o de contribuír á valorización do termalismo e dos recursos fluviais para favorecer o turismo de calidade, a saúde e o patrimonio natural tanto na provincia de Ourense como nas poboacións transfronteirizas do norte de Portugal.

 

Texto: Carlota Pérez de Juan Burgos

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close