Abordaron asuntos relacionados co colectivo e, en concreto, coa tarxeta especial de aparcamento
Unha delegación da Asociación de Enfermos de Crohn e Colite Ulcerosa de Ourense mantivo onte unha reunión co alcalde da cidade, Jesús Vázquez, e as concelleiras de Tráfico e de Sanidade, Flora Moure e Sofía Godoy, para abordar cuestións que afectan a este colectivo. De xeito especial, falaron tamén da tarxeta especial que permite a estes afectados estacionar os vehículos en zonas de carga e descarga dende o pasado mes de maio.