Fundada en 1994, entre os fins da Asociación de médicos galegos, Asomega está promover a comunicación e relacións interprofesionais e humanas entre os asociados (médicos e persoas adicadas á sanidade de orixe galega, educación universitaria galega e/ou sensibilidade espacial con Galicia), coas universidades galegas, especialmente a de Santiago de Compostela.
Co neurólogo trivés Julio Ancochea Bermúdez na presidencia e rodeado dunha nova xunta directiva dende hai tres meses, a asociación elixía A Pobra de Trives como sede para a xuntanza estival anual. “Asomega débelle moito a Ourense, e normalmente celebrábase noutros puntos como Cambados, así que despois de tantos anos xa era hora de facelo na Galicia profunda e que mellor que Trives” aseguraba o propio Ancochea instantes antes de comenzar o xantar no restaurante La Viuda no que se daban cita unhas sesenta persoas.
A maioría medicos de orixe galego espallados por toda a xeografía, pero tamén autoridades políticas “non sei que pasa pero en Galicia moitos médicos ocupan postos de responsabilidade”, puntualiza o doutor Ancochea. Entre eles o conselleiro de Sanidade Jesús Vázquez; o presidente do Parlamento de Galicia, Miguel Santalices; o vicepresidente da Deputación, Rosendo Fernández; deputados e senadores das comisións de Sanidade tanto de entes autonómicos como nacionais…, aínda que o presidente de Asomega destaca “o que nos une a todos, a medicina e Galicia, somos médicos galegos e temos que traballar xuntos e colaborar”.
A guinda á xuntanza poñíaa a homenaxe que lle rendían ao doutor Juan José Fernández Teijeiro “un dos médicos de antes, dos de sempre, dos que eran máis que médicos”, quen vivíu e traballou na Pobra de Trives durante os anos 50 “cando todo era moito máis difícil pero tamén máis humano e faciamos de todo e o mellor que podiamos”, aseguraba o propio Fernández Teijeiro rodeado de amigos e colegas.
Fotos: Carlos G. Hervella/ Berardo
Máis información na vindeira edición en papel do Periódico O Sil.