Aspecto renovado na volta ao cole nos centros barbadeses Filomena Dato e Ruxidoiro

O Concello acometeu as actuacións que contemplaron a instalación de vallas de seguridade, a pavimentación dos accesos e o pintado dun mural no centro da Valenzá
Mural pintado nas últimas reformas para a posta a punto dos colexios na volta ao curso escolar, en Barbadás.

Mural pintado nas últimas reformas para a posta a punto dos colexios na volta ao curso escolar, en Barbadás.

Os colexios de Filomena Dato e Ruxidoiro, no Concello de Barbadás, comezaron o curso escolar cun aspecto renovado. O goberno municipal acometeu nas últimas semanas varias reformas e melloras que incluíron a instalación de vallas de seguirdade, pavimentación dos accesos aos centros e un pintado dun mural no centro da Valenzá.

Máis polo miúdo, no colexio de Filomena Dato procedeuse á instalación de novas plantas na entrada principal e axardinouse a franxa dereita de acceso á zona de recreo. Tamén se reformou a valla de seguridade e instalouse unha fonte. Outras actuacións incluíron a colocación de aparcabicis, melloras na cociña e no comedor ou a instalación de aire acondicionado neste último habitáculo. Por último tamén se instalou unha cuberta no patio a carón da aula de psicomotricidade.

No caso do centro educativo do Ruxidoiro, colocáronse vallas de seguridade e un valado arredor da zona axardinada, repintáronse os pasos de peóns nas inmediacións e habilitouse unha fonte de auga potable no patio. Tamén se procedeu á eliminación de barreiras arquitectónicas na zona do viaducto, púxose a punto a alarma, houbo pintado de aulas e arranxos en iluminación e fontanería.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies