ConcellosSen categorizar

Asprona Bierzo visita Asfaval no Barco

Os usuarios da asociación de discapacitados berciana que forman o coro, cantaron para os valdeorreses
Os membros de Asfaval con Asprona./ Foto: Mónica G. Bellver
Os membros de Asfaval con Asprona./ Foto: Mónica G. Bellver

Na tarde do 10 de xuño, un grupo de 25 usuarios da entidade Asprona Bierzo, achegáronse ata a sede de Asfaval (Asociación de familiares de personas con discapacidade intelectual de Valdeorras) na Urbanización Las Huertas de O Barco, para coñecer as instalacións e compartir unhas horas cos atendidos pola asociación valdeorresa.

A entidade berciana Asprona atende na actualidade a 180 persoas, entre o centro de día, o ocupacional e o de emprego. Tamén contan cun coro que foi o que se achegou ata O Barco, ofrecendo un concerto para tódolos asistentes.

“O centro está moi ben organizado e funciona dende hai moitos anos, por iso quixen convidalos a pasar unha tarde connosco, nun encontro entre asociacións” explica a presidenta de Asfaval Amelia Blanco, que se mostra moi contenta e agradecida coa fundación ONCE que vén de liberar o 90% da subvención que lles tiña concecido hai xa tempo. “Será para pagar a débeda que temos con Ayasa e o outro 10% retéñenolo ata que consigamos abrir a residencia” explica Amelia, algo polo que seguen loitando organizando entre outras actividades, respiros e campamentos.

Máis información na vindeira edición en papel do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close