ConcellosÚltima hora

Ata dez grupos actuarán nos XII Cantos de Taberna de Trives o 23 de novembro

Esta iniciativa festiva, promovida pola A.C. A Caniceira, percorrerá 12 locais de hostalaría desta vila

Imaxe dunha edición anterior dos Cantos de Taberna de Trives./ Foto: Carlos G. Hervella.

 

Trives acollerá a partir das sete da tarde do 23 de nvembro os XII Cantos de Taberna, unha iniciativa que promove a Asociación Cultural A Caniceira coa implicación dos locais de hostalaría triveses.

O programa comezará ás 19h. coa xuntanza dos grupos participantes na praza do Pilón. Serán un total de dez: San Nordés (Trives), Son do Bibei (Valdeorras), Os Bolécoras (Manzaneda), As Macizas Centrais (Trives), Os Relamidos (Ourense), A Papuxa (Vigo), Rondalla (Trives), Parrandas (Valdeorras), Os Trabazos (Castro Caldelas) e Sómosche d’Herbas (Trives).

Dende alí iniciarán un circuíto (acompañados por un guía da organización) polos doce locais participantes nesta edición: San Martín,  Cafeto, Quintela, A Cantina do 4, Boliche, Manolo’s, Bodegón, Sky, Troula, Casanova, O Paíño e Panadería María.

“Coma nas anteriores edicións, a asociación conta coa colaboración dos bares que obsequian a cada grupo con bebidas e petiscos, mentres actúan neles”, matizan dende A Caniceira. Tras completar o seu percorrido, os músicos volverán xuntarse na praza do Reloxo ás 23h., onde haberá reparto de agasallos.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close