A Policía Local de Ourense vén de informar de que esta mañá, ás 11:33 horas, producíase un atropelo á altura do número 4 da rúa do Progreso da cidade. Un vehículo que manobraba marcha atrás, en zona de carga e descarga, golpeaba a unha muller de 81 anos que cruzaba pola parte de atrás do mesmo. Esta persoa foi trasladada con prognóstico reservado ao Complexo Hospitalario Universitario de Ourense.