Concellos

A auga de Verín volve a ser potable

Desde o Concello de Verín asegúrase que continuaranse realizando as analíticas de autocontrol de auga abastecida para asegurar a potabilidade da mesma

Na mañá do 30 de agosto o Concello de Verín recibía un informe oficial de potabilidade emitido pola empresa responsable da rede de abastecemento municipal, Espina y Delfín, no que se confirma que, tras realizar os análises pertinentes, a auga volve a ser apta para o consumo.

As choivas torrenciais do pasado domingo provocaban o arrastre dunha gran cantidade de auga embarrada a través do arroio Fonte do Sapo, afluente do Támega, e procedente do arrastre de terra e cinza da zona de Queirugás, recentemente incendiada. Esta situación, unida ao baixo caudal do Támega, provocaba que a auga que abastece a potabilizadora se convertese nunha masa de barro e aumentase a turbidez de maneira extraordinaria, segundo lembra o Concello de Verín.

Ante isto, o luns 28 o Concello avisaba mediante un bando de que a auga non era apta para o consumo humano debido ao seu elevado valor de turbidez (superior a 20 NTU, sendo o valor límite de 6 NTU). “Por seguridade, o martes 29 e o mércores 30 volveuse a comprobar o valor de turbidez reafirmando de novo que a auga se mantén dentro da APTITUDE PARA O CONSUMO HUMANO, sendo os resultados: 3,20 NTU na saída do depósito e 0,20 NTU no punto de control de abastecemento”, citando ao Concello de Verín.

Desde o Concello de Verín tamén se asegura que, a maiores destes controis puntuais, continuaranse realizando as analíticas de autocontrol de auga abastecida para asegurar a potabilidade da mesma.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close