A feira ourensá de termalismo, Termatalia, que se celebrou a pasada fin de semana en México tamén acolleu na súa programación a 14 edición da Cata Internacional de Augas, na que as augas galegas triunfaron obtendo varios galardóns. Tamén destacou a Eurocidade Chaves-Verín, que conseguiu seis premios e acadou os tres primeiros postos nas augas con gas carbónico natural. A cata estivo dirixida pola sumiller galega Mercedes González.
Os premios recaeron da seguinte maneira:
Na categoría de Auga Mineral Natural sen gas:
1ºpremio: Auga de Cabreiroá (Galicia-España).
2º premio: Agua Sana (Galicia-España).
3º premio: Bioleve (Brasil).
Na categoría de Auga Mineral Natural con gas carbónico natural:
1º premio: Magma Original (Roja) (Galicia-España).
2º premio: Pedras Salgadas (Portugal).
3º premio: Campilho (Portugal).
Na categoría de Auga Mineral Natural con gas carbónico engadido:
1º premio: Magma (Verde) (Galicia-España).
2º premio: Agua Sana (Galicia-España).
3º premio: Fontenova (Galicia-España).
Na categoría de Auga Purificada:
1º premio: Santa María (México).
Categoría Envase Innovador: Bioleve Azul (Brasil).