Tamén nos centros educativos aumentan os positivos de Covid na xornada deste mércores 13 de xaneiro. Segundo os datos facilitados pola Xunta, na comarca de Valdeorras hai un total de 6 (2 máis que onte) e na de Viana 1.
No municipio do Barco de Valdeorras rexístrase 1 positivo no IES Martaguisela e 1 no IES Lauro Olmo (que reaparece no listado). Nesa lista, feita pública pola Xunta, segue aparecendo 1 positivo no CEIP Julio Gurriarán, aínda que segundo informan dende o propio centro, “trátase dunha mestra substituta que deixou o colexio o 22 de decembro. Contaxiouse no período de Nadal polo que xa non formaba parte deste colexio que actualmente non ten ningún positivo “, aseguran.
Ademais segue con 1 positivo o Colexio Pablo VI da Rúa, mentres que o CEIP Xosé Manuel Folla Respino de Vilamartín ten 2 (1 máis que onte). O IES Carlos Casares de Viana segue con 1 positivo.
No caso da comarca de Quiroga, o IES Quiroga ten 1 positivo (1 menos que onte) e o CEIP San Clodio de Ribas de Sil mantén ten 1 positivo.
