EconomíaEconomíaÚltima hora

A avespiña do castiñeiro e a vespa velutina serán abordadas en Expoforum Noroeste Biofim

Este foro, que se desenvolverá do 9 ao 10 de novembro en Santiago, está promovido pola Asociación de Empresas Galegas de Control de Pragas, entidade que preside o valdeorrés José Antonio Quiroga
Imaxe dunha edición anterior deste foro dos sectores do control de pragas, fitosanitarios e madeira.

Establecer un espazo de discusión e fomento sobre as inquedanzas e actividades comúns de cara a xerar ideas e tendencias nos sectores do control de pragas, fitosanitarios e madeira. Este é o obxectivo do Expoforum Noroeste Biofim 2017,que se celebrará os días 9 e 10 de novembro na Cidade da Cultura de Santiago de Compostela.

O programa deste foro, promovido pola Asociación de Empresas Galegas de Control de Pragas (AGACPRA), incluirá ponencias de diversos expertos, así como unha mesa debate, prevista para o día 10. Nela tomarán parte empresarios galegos do sector, así como representantes da asociación sectorial catalá e madrileña, do sector hostaleiro e da Administración galega.

Entre os participantes na mesa estará tamén o presidente de AGACPRA, o valdeorrés José Antonio Quiroga, quen considera necesaria unha “comisión para elaborar unha guía sobre as actuacións recomendables en relación a pragas de roedores e insectos, que son as que concentran a maior parte das intervencións das empresas do sector”. Para Quiroga esta comisión permitiría “unificar criterios de actuación e control e contaríamos coa base para elaborar unha guía, algo que aínda non existe en ningunha outra comunidade autónoma”.

Este foro, nacido no ano 2015, está promovido por AGACPRA e porá ademais o foco nas pragas que chegaron a Galicia nos últimos anos como é o caso da avespiña do castiñeiro ou da vespa velutina, que afectan a dous sectores importantes na Galicia interior como son o da castaña e o apícola. Así haberá ponencias e actividades relacionadas con este novo aspecto centrado na loita biolóxica para reducir o uso de substancias biocidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close