A Axencia Estatal de Meteoroloxía (AEMET) ten activado un aviso amarelo por vento na comarca de Valdeorras, así como na montaña de Ourense. Estímase que este fenómeno meteorolóxico durará ata a noite deste xoves 16 de xaneiro. Trátase de “vento do sur. Localmente poden superarse os 90 km/h entre as 16 e as 19 horas” en Valdeorras, segundo a AEMET.
No caso da montaña ourensá, as rachas de vento poderían superar os 100 km/hora entre as 16 e as 19 horas.
