ConcellosÚltima hora

Axudas para os concellos en Rede Natura 2000

Medio Ambiente destina 1,8 millóns de euros para actuacións neste ámbito de protección ambiental
A conselleira de Medio, Ethel Vázquez e a directora xeral de Conservación da Natureza, Verónica Tellado.
A conselleira de Medio, Ethel Vázquez e a directora xeral de Conservación da Natureza, Verónica Tellado.

O Diario Oficial de Galicia publicará mañá 7 de agosto, a orde pola que se establecen as axudas para os concellos que se atopan dentro das zonas de Rede Natura 2000. A Consellería de Medio Ambiente, Territorio e Infraestruturas destina 1,8 millóns de euros para o financiamento de actividades, actuacións ou medidas nos municipios que se atopan neste ámbito de protección ambiental. Así o anunciaba na mañá do 6 de agosto a conselleira Ethel Vázquez, durante a presentación na destacou que execución destas accións subvencionadas permitirán, mellorar a paisaxe, manter as condicións ambientais e a recuperación de especies e a conservación e restauración dos elementos históricos patrimoniais ou culturais.

A conselleira de Medio Ambiente, que estivo acompañada pola directora xeral de Conservación da Natureza, Verónica Tellado, sinalou que “unha das novidades da convocatoria desta liña de axudas é a presentación, por primeira vez, das solicitudes por vía telemática unicamente, a través do formulario normalizado dispoñible na sede electrónica da Xunta de Galicia: https://sede.xunta.es”. Así, “aqueles concellos interesados en ser perceptores desta axuda” sinalou Vázquez “teñen ata o 8 de setembro para presentar as solicitudes”.

A Dirección Xeral de Conservación concederá o 100% do seu custo subvencionable, cun importe máximo de 20.000 euros por proxecto e só se admitirá unha única solicitude de axuda e un único proxecto para un único grupo de actividades por concello. A conselleira engadiu que “outro aspecto destacable é o feito de que se abre a posibilidade de recibir un anticipo do 50% do proxecto, unha medida especialmente destacable en momentos como o actual”.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close