Dar a coñecer os diferentes sistemas de porteo de bebés (mochilas ergonómicas, bandoleras, foulards, mei tais…) e os seus beneficios. Esta á e pretensión do “Flash Mobe” que celebrará un grupo de nais e pais de Ourense o vindeiro sábado 17 de outubro ás cinco da tarde no Centro Comercial Ponte Vella da cidade. É unha actividade aberta e levarase a cabo “de forma simultánea noutras cidades españolas, quere dar visibilidade ao porteo ergonómico e ás súas vantaxes, tanto para os adultos como para os bebés. A iniciativa enmárcase dentro dos actos da Semana Internacional da Crianza en Brazos 2015 (do 4 ao 10 de outubro)”, segundo informan os promotores desta acción na capital da provincia.
O porteo, segundo se sinala dende este grupo de nais e pais, aporta diversos beneficios como son o feito de que “os bebés choran menos, séntense máis seguros e tranquilos”, ademais “a interacción cos adultos facilítalles o desenvolvemento social e unha maior estimulación”, “redúcense os cólicos do lactante” e “falicita a lactancia materna”, entre outros. Por outra banda, “permite ter liberdade de movementos ao portador, podende atender a outras/os fillas/os” e con el “non hai barreiras arquitectónicas.