Unha xornada máis, baixan os casos de coronavirus nos centros educativos da comarca de Valdeorras. Rexístranse un total de 10 positivos (3 menos que os comunicados onte), tal e como se reflexa no listado facilitado pola Xunta de Galicia. Así, no Barco, a Escola Infantil Los Juglares ten 4 casos (ademais vén de reabrirse a aula que tiña pechada, tal e como se confirma dende o centro), o CEIP Ramón Otero Pedrayo de Viloira 2, o Colexio Divina Pastora 1 (1 menos que onte) e o IES Martaguisela 1 (2 menos que onte).
Ademais o IES Cosme López da Rúa continúa cun positivo e o CEIP Xosé Manuel Folla Respino de Vilamartín con outro.
Mantense tamén a cifra de casos no IES Carlos Casares de Viana do Bolo con 2 positivos.
Os centros educativos da provincia de Ourense suman un total de 151 positivos por Covid.