Neste domingo 24 de maio baixan a 2 os pacientes con coronavirus ingresados en planta no Hospital de Valdeorras, é dicir, un menos que onte, segundo a última actualización de datos da Consellería de Sanidade.
No caso do Hospital de Verín mantense un paciente ingresado en planta, mentres que no Hospital Universitario de Ourense son 12 os pacientes en planta (1 máis que onte) e 1 en UCI (este último con prognóstico grave).
Dos 124 casos activos hoxe na Área Sanitaria de Ourense, Verín e O Barco de Valdeorras, 108 permanecen a seguemento a domicilio, 15 están ingresados en planta e 1 en UCI, segundo Sanidade.
O total de casos rexistrados na provincia ascenden a 1.988, con 1.734 curados e 130 falecementos (residencias e hospitais). Na provincia lévanse realizado 19.469 probas PCR.
