Tras catro días mantendo cinco pacientes con Covid-19 ingresados en planta no Hospital de Valdeorras, neste sábado 23 de maio a cifra vén de reducirse a tres, segundo a última actualización de datos da Consellería de Sanidade.
No caso do Hospital de Verín hai un paciente en planta, mentres que no Hospital Universitario de Ourense son 11 as persoas ingresadas en planta e 1 en UCI (este último de prognósticos grave).
Dos 127 casos activos hoxe na Área Sanitaria de Ourense, Verín e O Barco de Valdeorras, 111 permanecen a seguemento a domicilio, 15 están ingresados en planta e 1 en UCI, segundo Sanidade.
O total de casos rexistrados na provincia ascende agora a 1.983, con 1.727 curados e 130 falecementos. (residencias e hospitais). Na provincia de Ourense lévanse realizado 19.326 probas PCR.
