O Hospital Público de Valdeorras rexistra neste domingo 17 de maio un ingreso menos que onte por coronavirus. Así, segundo a última actualización de datos da Consellería de Sanidade, o centro barquense ten catro pacientes con COVID-19 hospitalizados en planta.
Fronte a isto, o Hospital de Verín logra manterse un día máis libre de coronavirus, mentres que no Hospital Universitario de Ourense repítense os datos de onte: 27 ingresados en planta e 3 en UCI (estes últimos de prognóstico grave).
Dos 209 casos activos (onte eran 277) na Área Sanitaria de Ourense, Verín e O Barco de Valdeorras, 175 permanecen a seguemento a domicilio, 31 están ingresados en planta e 3 en UCI, segundo Sanidade.
O total de casos rexistrados na provincia ascende a 1.965, con 1.627 curados e 129 falecementos (residencias e hospitais). Na provincia lévanse realizado 18.518 probas PCR.
