Lixeiro descenso na curva de positivos de Covid-19 en Valdeorras. Neste venres 6 de agosto a comarca rexistra un total de 171 casos activos de Covid, o que supón 4 menos que onte, segundo os datos do Sergas actualizados ás 18h. de onte.
Esta baixa é debido á diminución de casos no Barco que conta con 105 casos activos, 7 menos que onte. Pola contra soben na Rúa que hoxe rexistra 39 positivos, 2 máis que onte; na Veiga con 3 casos, 1 máis que onte.
No resto de concellos da comarca mantéñense das cifras de onte: Larouco ten 5 positivos; Carballeda de Valdeorras 1; Vilamartín de Valdeorras 8; O Bolo 4; Rubiá 5 e Petín 1.
1.520 casos activos na provincia
O descenso de casos activos na provincia de Ourense segue sendo pronunciado cun total de 1.520 casos activos, o que supón 76 menos que onte.