SanidadeÚltima hora

Baixan os ingresos por Covid, mentres soben os casos activos na provincia

O Hospital de Valdeorras rexistra 4 hospitalizacións, mentres no de Verín hai 2 e no de Ourense un total de 22

Sinalización para realizar probas de Covid no Hospital de Valdeorras./ Foto: A.R.

 

Baixan as hospitalizacións pero soben os casos activos de Covid-19 na provincia de Ourense. Así se rexistra nos últimos datos (actualizados ás 18h. do 109 de decembro) feitos públicos pola Consellería de Sanidade neste venres.

Así, a Área Sanitaria de Ourense, Verín e O Barco rexístrase un aumento no número de casos activos cun total de 383 (19 máis que onte), mentres baixan as hospitalizacións en planta, un total de 26 (8 menos que onte) e 2 na UCI (1 menos que onte).

No Hospital de Valdeorras hai catro ingresos en planta, o que supón dous menos que onte, mentres o Hospital de Verín segue con 2  ingresos e o Hospital Universitario de Ourense rexistra 20 en planta (6 menos que onte) e 2 na Unidade de Coidados Intensivos (1 menos que onte). Os novos casos confirmados por PCR nas últimas 24 horas soben ata os 32 (fronte aos 30 de onte).

O total de casos rexistrados ata o de agora na provincia ascende a 7.820, con 7.136 curados e 300 falecidos (os tres últimos rexistrábanse onte no Hospital Universitario de Ourense). Polo de agora lévanse realizado 122.070 probas PCR e 65.621 probas serolóxicas.

Artigos relacionados

Back to top button