En portadaGalerías de fotosÚltima hora

O Barco recibe aos Reis Magos cunha nevada

Chegaban en autobús e realizaban unha longa e multitudinaria cabalgata pola vila ata chegar á praza do Concello

“Dea comezo a noite de Reis!”. Melchor remataba deste xeito o discurso que dirixía a nenos e maiores dende o balcón do Concello Vello do Barco de Valdeorras. Alí, acompañado por Gaspar e por Baltasar, ademais de polos seus paxes e polo alcalde barquense, lembraba a longa viaxe realizada ata a vila para reencontrarse un ano máis cos máis pequenos e recordaba de xeito especial a aqueles meniños refuxiados que vía durante o traxecto dende Oriente. Tamén lles daba aos rapaces unha serie de recomendacións para preparar a inminente noite de Reis.

Antes de Melchor, era o alcalde barquense, Alfredo García, quen se dirixía aos presentes e tamén ás súas Maxestades de Oriente. Pensando nos cativos, pedíalles que “esta noite non quede ningún neno sen xoguete” e para os adultos auga e “unha mellor calidade de vida” con melloras das administracións en cuestións fundamentais como a sanidade e a educación, entre outras.

Na praza do Concello do Barco, os Reis reuníanse e fotográbanse cos rapaces. Chegaban á vila en autobús pola tarde, e dende na estación e buses subíanse nas súas carrozas, xunto co súa comitiva, para dar inicio ás seis da tarde a unha longa e concurrida cabalgata entre caramelos e pompas de xabón ata chegar ao Concello do Barco. Alí baixábanse das carrozas e eran saudados polo alcalde e polas persoas de todas as idades que os agardaban entusiasmadas. Entón unha nevada soprendía ao público. Con ela tamén se despedían os Reis, saudando, dende os balcóns do Concello Vello. A visita real continuará esta noite en cada casa.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close