CulturaCulturaÚltima hora

O Barco recibirá 133.000 euros para rehabilitar o entorno da torre do Castro

O seu alcalde, Alfredo García, vén de asinar un convenio de colaboración coa Xunta de Galicia
Detalle da Torre do Castro, no municipio do Barco./ Foto: Carlos G. Hervella.

O Concello do Barco de Valdeorras vén de asinar un convenio de colaboración coa Consellería de Infraestruturas e Vivenda para facilitar a rehabilitación de edificacións históricas. A través deste acordo, asinado polo alcalde do Barco e pola conselleira de Infraestruturas, Ethel Vázquez, este concello valdeorrés terá acceso ao Fondo de cooperación en materia de rehabilitación, un mecanismo dotado con 10 millóns de euros co que a Administración autonómica concede préstamos sen xuros aos municipios de menos de 50.000 habitantes para destinar a esta finalidade.

O importe que recibirá O Barco será de 133.000 euros e irá destinado á rehabilitación do contorno do Ben de Interese Cultural da Torre do Castro, na vila do mesmo nome.

O citado Fondo “ten por finalidade incentivar e implicar aos municipios galegos na recuperación e posta en valor das edificiacións ou zonas emblemáticas das vilas para o uso e desfrute dos veciños. Tendo en conta as limitacións orzamentarias dos concellos máis pequenos para acometer este tipo de actuacións, o Fondo de cooperación ofrece condicións ventaxosas nos créditos, que se conceden sen xuros”, segundo explican dende a Consellería de Infraestruturas.

O alcalde do Barco (á esquerda), coa conselleira de Infraestruturas na sinatura do convenio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close