CulturaCulturaMúsicaÚltima hora

A barquense Alicia Alonso, galardoada no Festival de Curtas Armadiña de Poio

Conseguía este premio na categoría de mellor videoclip galego como directora do traballo “Non é verán de Estrella Damm” do grupo Ezetaerre
A barquense Alicia Alonso./ Foto: Carlos G. Hervella.

Acento valdeorrés na terceira edición do Festival de Curtas Armadiña, cuxa entrega de premios se celebraba o domingo 19 de novembro no Casal de Ferreirós de Poio (Pontevedra). A barquense Alicia Alonso García facíase co galardón ao mellor videoclip galego dos últimos dous anos por “Non é verán de Estrella Damm” do grupo Ezetaerre de hip hop.

 

Galardoados no Festival de Curtas Armadiña de Poio.

A valdeorresa, que non puido asistir á entrega de premios na que si estiveron os seus compañeiros de Ezetaerre para recoller o galardón, amósase moi satisfeita pola acollida deste traballo e polo recoñecemento. E máis tendo en conta que o xurado do certame nesta categoría estaba formado por rapaces do IES de Poio de 15 a 17 anos.

Este videoclip, que forma parte dun proxecto máis amplo realizado por Alonso, achégase de forma crítica á imaxe idílica que presentan os anuncios de cervexa sobre a xuventude durante o verán. “Tanto o videoclip como a letra da canción reinvidican que iso é algo que non se corresponde coa realidade”, sinala a directora barquense.

 

Imaxe inicial do videoclip dirixido por Alicia Alonso e premiado en Poio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close