OurenseÚltima hora

Bertín Osborne recala en Ourense coa presentación do seu último disco “Yo debí enamorarme de tu madre”

O cantante andaluz actuará o sábado 11 de xaneiro ás 20h. no Auditorio Municipal

O cantante andaluz Bertín Osborne actuará o sábado no Auditorio.

 

Os humoristas Dani Mateo, Manuel Manquiña e David Perdomo e o cantante Bertín Osborne subirán esta semana ao escenario do Auditorio Municipal de Ourense.

A primeira das propostas é Noites de Retranca, espectáculo de humor que no seu especial décimo aniversario chegará a Ourense o venres, 10 de xaneiro, ás 22:30 horas. En palabras da compañía, “cumprir dez anos levando humor e risas por Galicia adiante merecen festexalo. Por primeira vez nestes dez anos, abrimos o noso espectáculo a artistas de “fóra” e, para facelo contaremos cun artista retranqueiro coma nós… Dani Mateo!!!” Un show con música en directo, a dos Fabulosos Weekend, e as actuacions de Manquiña, David Perdomo e Dani Mateo.

 

O espectáculo Noites de Retranca será o venres, 10 de xaneiro.

 

O sábado, 11, ás 20 horas, será a quenda de Bertín Osborne, que chega a Ourense na xira de presentación do seu último traballo discrográfico Yo debí enamorarme de tu madre, un espectáculo de cen minutos e duración, no aque estará acompañado dos seus músicos e os seus mariachis. Un show moi coidado e divertido onde o cantante andaluz repasará todos os seus éxitos musicais e as anécdotas máis graciosas da súa carreira.

As entradas, desde 16 euros para Noites de Retranca, e desde 45 euros para Bertín Osborne, pódense adquirir en http://www.ataquilla, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close