Publicidade
Galerías de fotosPolíticaÚltima hora

O BNG pon en valor a figura de Blanco Amor a través da súa obra “A Esmorga”

O acto desenvolveuse no Centro Cultural “Marcos Valcárcel” da Deputación e contou coa presenza de Ana Pontón e o escritor Millán Picouto

O Bloque Nacionalista Galego celebrou hoxe, 24 de novembro, o segundo acto sobre a figura de Blanco Amor, o primeiro levouse a cabo hai meses no que fixeron un percorrido literario e histórico polas rúas ourensás presentes na obra do autor. A portavoz nacional, Ana Pontón, así como a deputada nacionalista pola provincia, Noa Presas, estiveron nesta cita no Centro Cultural Marcos Valcárcel, no que se reuniron máis dunha vintena de persoas.

Estaba previsto que, previo a esta xuntanza, fixeran unha ofrenda floral á estatua situada na Praza do Bispo Cesáreo, en Ourense, pero a climatoloxía non o puido permitir. Así é todo, os nacionalistas amosáronse contentos por que chovese en Galicia.

O acto arrancou coa música das pandeireiras do grupo Xúa. Posteriormente, tomou a palabra o escritor Millán Picouto, que fixo un repaso por toda a vida e obra do escritor ourensán, dende o seu período como poeta, pasando pola dramaturxia e a novela. Millán Picouto parouse na novela referencia de Blanco Amor, “A Esmorga”, na que fixo unha profunda análise da linguaxe para expresar os cambios que está a sufrir a sociedade galega actual.

Xa na quenda de Pontón, a portavoz nacional asegurou que se Blanco Amor nacese fóra de Galicia “A Esmorga sería unha novela referente da literatura universal e sería moito máis coñecida”. Tras diso, Ana Pontón enlazou co discurso político no que dixo que o futuro da terra está nun sistema de concerto económico galego “similar ao que teñen os vascos e os navarros”

Fotos: Carlos Asensio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close